Homemade Whitening Scrub Banany ke Asaan Tarekay

Kya ap bhi apni skin ko glowing banana chahte hain, lekin chemical-based products se apki jild irritate ho jati hai. Toh aapke liye homemade whitening scrub ek perfect solution hai. Ye natural ingredients sy bnay hoty hain jo ke skin ko nourish aur protect krty hain. 

Is article mein homemade scrubs ki kuch asan remedies btai gai hain jo ap ke liye biht effective aur pocket-friendly sabit ho ski hain.  

Anti-Inflammatory Haldi Aur Coconut Oil Whitening Scrub

Tumeric jisay aam alfaaz main “Haldi” kaha jata hai, ek bohat zabardast natural beauty ingredients hai jo ke India or Pakistan main bohat zayada istimaal kea jata ha. Khaany ko lazzat or rangant bakhshany k elawa is main anti-inflammatory khasooseat pae jaati hain jo k jisam k kisi bhi hissay main swelling ya sujaan ko kam krti hain. Isk elawa ye apni skin-lightening property ki badoolat facial scrub main bhi istiamal ke jaati hai. 

Haldi say skin whitening scrub bnany k leay zaroori ingredients dark zail hai.

• 2 Cup Coconut Oil
• 2 khaany ke Chamach Haldi Powder
• 1 Cup Cheeni 

Is scrub ko bnany ka trika bohat asaan hai, bas saary ajzaa ek saaf bowl main achi trhaa mix kr k ek thrick sa paste bna lain. Skin ko neem garam paani sy wash krny k bad dry kr lain or scrub directly apply krain. Scrub lagany k baad bohat ahsta sy circular motion main apni fingertips sy skin py massage krain, yad rhy ke aggressively ragarna nahi hai skin ko. 

Taqreeban 10-15 minutes tk gently massage krty rhain or skin ko exfoliate hony dain, aur jab lgy k massage complete ho gya hai or scrub jilad main jazab ho gya hai to neem garam paani sy skin dho lain, skin dry krny ke leay towel istimaal krny ki bjay just pat krain. 

Lemon Aur Sugar Body Scrub Banany Ka Tarika

Lemon main high miqdaar main Vitamin C aur citric acid paya jata hai jo na na siraf skin ko zaroori nourishment faraham krta hai balky skin ke pH level ko bhi maintain kr ke glow provide krta hai. Is ke elawa lemon juice ek acha antioxidant bhi hai jo k skin ke rejuvenate main mdad krta hai aur overall skin beauty main afaazy ka baes banta hai.

Lemon aur sugar body scrub bnany ke leay bohat basic sy ingredients ki zaroorat hai jesa ka 1 tsp shaihad, 1 baray size ka lemon, aur 2 tsp cheeni. Is homemade magical scrub ko bnany ka trika neechy dea gya hai.

• Sab sy pehlay lemon ko darmayan say kat kar iska sara juice ek bowl main nikal lain, sugar aue cheeni mila kar sab cheezain achy sy mix kr lain. 
• Neem garam paani sy dhoi aur dried skin ke opar ye scrub apply krain, ab gently massage karna shuru krdain.
• 10 sy 15 minutes tak circular motion main achy sy massage karny ke baad lukewarm water sy skin wash kr lain or koi acha sa moisturizer lga lain. Ye scrub aam halat main ek hafty main 2 baar istimaal kea ja skta hai. 

Dry Skin Ke Leay Hydrating Oat Scrub

Apni dry skin ko naram aur Mulayam bnany ke liye, hydrating oat scrub aik behtreen option hai. Is mein oatmeal, coconut oil, aur shaihad jaisy natural ingredients hain, jo jild ko hydrate krty hain aur dead skin cells ko remove krty hain. 

Is natural scrub ko bnany ke liye chand zroori cheezen ye hain:

• 1 cup Oats
• ½ cup Coconut oil
• 2 tablespoons honey
• 2 tablespoons glycerin (optional)
• Bowl 
• Mixing stick

Aik mixer mein oats ko grind kar ke fine powder bana lein. Phr aik saucepan mein coconut oil aur honey ko low heat par melt kar lein. Is mein glycerin aur vitamin E oil ko milayein. Ab is main oat powder add kren aur achi trah mix kr lein. Scrub ko aik air tight container main store kr lain. 

Is mask main majood main ingredient, oats inflammation aur dryness ko door krta hai hai skin ko calm krta hai. Coconut oil mein anti-microbial properties hoti hain, is k elawa ye skin ko moisturize krta hai. 

Scrub ko hmehsa cool, dry jagah par store karein. Isko eye, under-eye area, allergy ya sensitive areas py apply na kren. 

Irritated Skin Ke Leay Yoghurt Scrub

Agar apki skin irritated hai, jesy k zayada itchy, hath lgany sy pain feel ho, ya red colors k daany hain to us ke leay apny facial scrub k leay ingredients selec krty hovay khaas ahtyat krain. Esi sensitive aur itchy skin k leay sab sy best remedy daahi ka scrub hai.

Yoghurt scrub ghar main bnany ke leay essential ingredients darj zail hai:

• Roghn-e-Gulaab (Rose Oil) ke 3-4 drops
• ¼ Cups Fresh Daahi (Greek Yoghurt)
• ¼ cup Makai ka Aaata (Corn Meal)

Rose oil, daahi, aur makai ka aata, ye 3no cheezain achi thran combine kar lain or paste bna lain, paster zayada thin nhi hona chaheay warna desired results nhi milain gain. Blend karnay ke bad gently scrubbing krain or maximum 5 minutes k baad wash kr lain, Is se itchy aur irritated skin heal hona shuru ho jay ge.

Oily Skin Ke Leay Black Tea Scrub

Oily skin aik boht hi tricky aur sensitive skin type hai jo k mostly acne prone hoti hai. Acne aik aisi condition hai jis main dead skin cells aur oil, hair follicles ko clog kr daity hai. Aik dfa skin py acne ho jaye to usko treat krna thorra mushkil hota hai. Ye aik long-lasting condition hai jisko tackle krna boht zroori hai. 

Apni oily skin ko control karne aur acne se bachane ke liye, Black Tea Scrub ek effective solution hai. Is mein black tea ke antioxidants aur exfoliating agents hain jo skin ko clean aur balance karte hain.

Black tea antioxidants skin ko protect karte hain, sugar exfoliates skin ko clean karta hai. Is main majood coconut oil skin ko moisturize krta hai. 

Is remedy ko bnany ke liye zroori ingredients ye hain:

• 1 cup black tea leaves
• 1/3 cup grain kachy chawal (kojic acid source)
• 2 tablespoons lemon juice
• 1 teaspoon green tea extract (optional)

Is scrub ko bnany ke liye, black tea leaves ko 1 cup paani mein boil kr lein. Rice powder aur coconut oil ko mix karein aur black tea ko sugar mixture mein milayein. Akhir main lemon juice aur green tea extract ko mix ke lain. In sb ajzaa ko achy sy mila ke paste bnalain.  

Is mixture ko apny chehry or neck py lga lain aur maximum 5 minute tak massage kren. Gram paani sy face wash kr lain.

Ye scrub ap week main 1-2 baar use kar skty hain. Apply krty waqt apni eyes aur sensitive skin area py na apply kren. 

Glowing Skin Ke Leay Soothing Coffee Scrub

Coffee skin sy har trhaan ki dirt, impurities, aur dead skin cell ko remove krny ke keay bohat famous hai. Coffee ground ki scrubbing say blood circulation main azaafa hota hai is ke elawa ye natural glow and skin rejuvenate ko bhi promote karta hai.

Olive oil ki majoodgi is scrub ko or zayada effective bna deti hai, zaitoon ka tail dry skin main penetrate kar ke jilad ko hydrate karta hai.

Coffee whitening scrub bnany ke leay hmain kuch ingredients chaheay jea k pissi hovi coffee, sugar, vitamin E ke capsules, aur loive oil.

Soothing coffee homemade facial scrub bnany ke leay sab say pehlay ¼ cups ground coffee, 2/4 cups sugar, 3 vitamin E ke capsules, aur 3 khaany ke chamach zaitoon ke tail ko ek medium-sized bowl main mix kr lain or desired consistency ka paste bna lain. Ab is pate buma scrub ko aoni skin py laga ka scrub krain, ye har trhaak ki impurities or mail kuchail ko dor kr k skin ko saaf or healthy karta hai. 

5 minutes tak massage karny ke bad neem garam pani sy apni skin dho lain or apni skin type ke lehaz sy koi sa bhi acha moisturizer lga lain.

Sea Salt Exfoliating Whitening Scrub

Apni skin ko glowing aur whitening banane ke liye, Sea Salt Exfoliating Whitening Scrub ek effective solution hai. Ismein sea salt, lemon juice, aur natural ingredients hain jo skin ko exfoliate, nourish, aur whiten karte hain.

Isko bnany ke liye 1 cup sea salt, 1/2 cup coconut oil, 1 tablespoon honey, aur 5-10 drops of any essential oil. Scrub ko bnany ke liye sea salt aur coconut oil ko mix karein aur Lemon juice aur honey ko add kr lain. Phr is main apni mrzi ka koi bhi oil mix kren. In sb ajzaa ko achy sy mila kr mixture bna len. 

Apnay face aur neck ko achy sy cleanse kr lain, phr is scrub ko apply kr k 3-4 minutes tak massage kren. Us ke baad garam paani sy chehra dho lain, skin moisturizing ka dehaan rkhain. 

Ye scrub ya skin mask ap hafty main maximum 1 dfa use kr skty hai. Apply krty waqt dehan rakhain k aankhon aur pimples area py na lgaen. 

Natural Homemade Whitening Scrub Ke Fawaed

Agar ham ghar main bnay whitening scrub ka istiamaal apni skincare routine main kartay hain to is k  byshumaar fawaed hain, ye sasty hony ke elawa store-bought scrubbing products sy zayada effective maany jaty hain. Natural scrubs k fawaed mai shamil hain:

• Sab sy bra aur attention-grabbing faeda face scrub ka is ka cost-effective hona hai, ye ready-made scrubs k muqably main kaafi zayada sasty aur assani sy 5-7 minutes main tyar ho jaty hain.
• Apny skin texture aur skin types (oily, dry, itchy, aur rough) k lehaaz say sahi scrub ingredient ke selection aur application say skin flawless, shiny, aur tarotaza ho jati hai.
• Homemade body scrubs say pores main majood gandagi aur clogging ka safaya hota hai jis sy skin fresh or younger-look deti hai.
• Daahi ya lemon juice (Vitamin C), jo ke zayada tar homemade scrubs main use hoty hain, as a bleaching agency bhi kaam krty hain jo k dark spots ko kam krny keay beneficial hain aur effective exfoliant hain. 

Hafty main Body Whitening Scrub Kitni Martaba Istimaal Karna Chaheay?

Body whitening and brightening scrub ka istemaal karne se pehle, yeh zaroori hai ki aap apni skin type aur zaroorat ko samajhein. Expert beauty consultant k mutaabiq:

• Scrub ko haftay mein 2 se zyada martaba na use karein, warna twacha par irritation ho sakti hai, yad rhy ke exfoliating scrub siraf external use ke leay hain.
• Agr apki skin type normal hai to ap 1-2 mrtaba scrub use kren jab ke dry skin py maximum 1 dfa apply kren. 
• Oily skin type py two times lekin sensitive skin py 2 weeks main aik dfa use kren. 
• Agar aap ki skin par acne ya injury hai, toh scrub ko us hisse par na lagayein.
• Scrub ke baad moisturizer laazmi lgaen taa ke skin hydrate rhen. 

Conclusion

Is article mein ham nay homemade whitening scrub banany ke asaan Tareekay byan kiye hain jo apki skin ko glowing aur whitening bana sakte hain. Ye scrub natural ingredients se bane hote hain, jo jild ko nourish aur protect karte hain. In tareekon ko follow karke, aap apni skin ko chemical-free aur healthy banaye rakhein. Is trah ke mazeed effective remedies dekhny ke liye hmary is blog ko visit kr skty hain, www.totkay.com.