Ab Ghar main Bnayn Apna Pasandeda Face Wash For Oily Skin

Kya aap oily skin ki wja se pareshan hain? Kya aap apni jild ko glowy aur clean banaana chahte hain? Toh aapke liye yeh article bohat helpful hoga. Is article mein hum aapko batayenge ki kaise aap apny homemade face washes bana skty hain jo oily skin ke liye suitable hon. Hum aapko natural ingredients, easy making, aur valuable tips share karenge.

Oily Skin Ki Kya Wajoohat Hain?

Oily skin aik common problem hai jo laakhon logon ko preshan krti hai. Is mein chehry pr excess oil ki production hoti hai jo k jild ko extra glossy bna deta hai. Lekin ye oily skin mazeed kai problems ki wja banti hai, jaise k acne, blackheads, aur freckles. Oily skin ki boht sari wajoohaat hain jaisy ke:

Hormonal Imbalance:  Insaani jisam mein aik hormone, Dihydrotestosterone (DTH) hota hai. Yeh chemical messenger ke tor py act krta hai aur hamare sebaceous glands ko sebum or waxy oil produce karne ka signal deta hai. Ye hormone hamri skin ko fresh aur glow rkhta hai aur iski kami ki wja sy jild boht dry or rookhi ho jati hai. 

Lekin jb yehi hormone zyada quantity mein release hota hai, toh ye skin ko nuqsaan pohnchata hai. Is k elawa thyroid, PCOS, aur puberty ke hormones ka bhi role hota hai. 

Genetics: Genetic predisposition mtalb agr family mein oily skin ki problem majood hai to ye genes travel krty hain aur next generation mein bhi oily skin ki wja bnty hain. 

Environmental Factors: Boht sary factors jo ke skin ko khrab ya phr oily kr dety hain. Jaisy ke garmi, namak, aur pollution. Ye sary factors mil ke oil ki production ko badhaty hain or skin ko khrab krty hain. 

Spicy khaanay: Spicy aur oily khana, caffeine, aur alcohol ka zyada consumption oily skin ki wajah ban sakta hai.

Dehydration: Kam paani sy skin dry ho jati hai aur sebaceous glands isko compensate krny ke liye zyada oil produce krty hain. 

Stress: Zehni dbao  hormonal imbalance ki wja ban skta hai jo ke ultimately skin ko affect krty hain.

Ghair maiyyari products: Agr apki skin care routine bhtr nhi hai ya phr ap wrong products ka istemal krty hain to ye bhi oily skin ki aik aham wja ban ski hai. 

Kheeray Aur Tamatar Say Homemade Face Wash Bnayn

Kheera skin ki moisturizing or hydration k leay bohat muffed mana jata hai , is ke elawa ye face oil ki production ko kam karny main bhi mdad deta hai. Cucumber irritated skin ko calm karny k leay or reduce inflammation k leay bhi istimaal hota hai. Is ke elawa ye apni uniqure khasoosiyat ki badoolat sebaceous glands, jo ke skin sy oil aur waxy matter excrete krty hain, ki activity ko bhi km kr k oil production ko maintain rakhta hai. 

Tamatar skin tone ko bright or light krny ke leay use hota hai, apni cleansing ability aur astringent character ki wja sy ye oily skin waly logo ka pasendeda antioxidant hai. In dono natural ingredient, ko combine krny y hum ek magical aur most effect homemade face wash tyar kar skty hain.

• Ek medium-sized bowl main ek saabit keeray or ek tamatar choty choty pieces main kaat lain aur achy say grind ka ke paste bna lain . Khayal rhy paste bilkul smooth hona chahea.
• Ab ye nutrients-rich paste apny chaihray pay laga lain or 20 minutes k bad dho lain, is sy khuly masaam band ho jayn gain, skin soft aur glowing hony ke elawa, oil bhi kam produce kry gy.

Pro Tip: Is paste ko taza bna k taza hi lgaym store mat krain.

Coconut Oil Aur Shaihad Ka Face Wash

Agr ap apny face ko glowing or oil free bnana chahty hai to ye ghrailu totka boht hi mufeed sabit ho skta hai. Ye face wash 2 aham ingredients, coconut oil aur honey ke combination se banaya gaya. Yeh facewash ap ke chehre ko moisturize, clean, aur shiny banata hai. Is cleanser ko bnany ke liye natural ingredients ye hain:

• Half cup oil
• 1/4 cup shaihad (honey)
• 1/2 teaspoon baking soda
• 1 tablespoon lemon juice

Aik bowl mein is sb ajzaa ko add kr ke achy sy mix kren aur aik  paste bna lain. Phr is ko aik clean container ya jaar mein daal lain.  

Is mixture ko istemal krny sy pehly apny face ko achy sy clean kr lain aur thorra sa facewash apny chehre py lgaeyn.  Maximum 2-3 minute tak halky hathon sy massage karein. Phr saaf paani sy dho lain. 

Is right face wash mein majood coconut oil combination skin ko moisturize or glow karta hai aur Shaihad antibacterial aur antifungal protection deta hai. Jabke baking soda chehre ko clean aur smooth karta hai aur face py bright or glowy look lemon juice provide krta hai.

Honey & Lemon Face Wash

Honey aur lemon aik cost-friendly aur effective facewash remedy hai jo ke oily skin ko tackle krny ke liye boht mufeed sabit hoti hai. Is pack ko bnany ke liye zroori cheezen ye hain: 2 tbs honey, 1 tablespoon lemon juice, 1 teaspoon glycerin, and – 1/2 teaspoon baking soda (optional).

Is facewash ko tyyar krny ke liye aik bowl mein is sb ingredients ko add kren aur achy sy mix kr lain. Phr isko aik clean bottle mn store kr lain.  

Ye DIY cleanser ap night time bhi use kr skty hain. Is ko istemal krny ke liye thorra sa product apny haathon py lgaey, agr ye thick feel ho to 2-3 drops paani ke add kr lain. Phr inko apny chehre py lgayen aur gently two to three minutes ke liye massage kren. Us ke baad normal water sy face dho lein. 

Is main majood ajzaa ke boht faidy hain:

• Lemon juice citric acid ka source hai jo ke skin ko antibacterial properties daita hai, dead skin ko remove krta hai aur extra oil ko htaa ke skin tone ko bhi bhtr krta hai. 
• Shaihad face sy extra moisture draw kr k skin ko soft krta hai. Is k elawa, raw or organic honey mein antioxidants bhi hoty hain jo ke skin aging sy bchaty hain. 
• Backing soda ya phr sodium bicarbonate acne ko treat krta hai aur soothing effect deta hai. 

Oily Acne Prone Skin Ke Leay Saji Matti Face Wash

Sajji matti jisay fuller’s earth bhi kaha jata hai Pakistan aur India ki khwaateen apni acne prone skin ke leay aam istimaal karti hain, jis sy skin ki softness main azaafa hota hai aur dead skin cells bhi remove ho jaaty hain. Is multi-purpose matti ko kuch aur hydrating ingredients main mix kar ke ek behtreen face wash bnaya jata hai, jesa je tea tree oil, gram flour, lemon ke chilkon ka powder, ye sab active ingredients jo ke foran jazab hoke asar karty hain.

Sajji Matti Face Mask ke leay zarrori ajzaa main shaamil hain:

• Sajji Matti, 5 khaany ke chamach
• Baisan (Gram floor), 10 khaany ke chamach
• Lemon ke chilkoo ka powder, 2 chamach
• Haldi, ½ chamach
• Tea-tree  8-10 qatray
• Neem powder, 2 chamach

Sab sy pehlay ek bowl main fuller’s earth daalain, ab baisan, haldi, tea-tree oil, lemon powder, neem powder daal ke achi trhan mix kr lain. Jab achi trhan saary ingredients blend h jayn to thori c miqdaar apny hathoon py lga k geela kar k rub krain. Foaming cleanser type jhaag banny ke baad face py lga lain or achi trhan massage karny ke bad mun dho lain. 

Neem Aur Haldi Face Wash

Skin ki khusbsurti ko enhance krny ke liye ham kai trah ke totkay or products ka istemal krty hain. Lekin kya ap janty hain ke just two ingredients, neem aur haldi, apki jild ko behtar krny or manpasand bnany mein aham kirdaar adaa kr skty hain?

Ye facepack skin ke ms’alon ko hall krta hai jaisy ke dark spots aur blemishes ko door krta hai.  

Is ke liye key ingredients hain:

• 2 tablespoon neem powder
• 1 tbs haldi powder
• 1 tablespoon rosewater

Aik saaf bowl main neem powder aur haldi add kren aur phr add krty huye paste bna lain. Arq e ghulab itna add kren jis sy aik acha sa paste ban jaye. Ab is pack ko aik jar main store kr lain. 

Ab is face wash ko apny chehre aur neck py apply kren aur gently massage kren. 10 minutes tak wait kren aur normal water sy wash kr k oil-free moisturizer laazmi apply kren. 

• Dono ajzaa anti-bacterial aur anti-fungal properties rakhty hain jo skin ko andar sy clean kr k dark spots remove krty hain.
• Neem ki antioxidant property skin sy wrinkles aur fine lines khtm krti hai. Is sy anti-aging effect bhi aata hai.
• Ye dono ingredients dry aur dead skin ko remove kty hain aur jild ko glowy krty hain. 

Aalo Aur Aloe Vera Face Wash

Kya aap janty hain k aalu bhi ek acha bleaching aur exfoliating agent hai jisay face cleanser k tor pay istimaal kea jata hai. In main majood natural bleaching agents hyperpigmentation aur dark spots ko kam say kam karty hain. High miqdaar main water content ki majoodgi oily texture deay bgahir skin ko hydrate karta hai jo ke greasy texture k leay bohat zaroori hai

Aloe vera gel ki presence isy aur zayada effective bna deti hai, astrigent kahsseat pores ko saaf aur band krny ke leay aham hai.

• Aalu,  1 adad bary size ka
• Aloe Vera gel, 50 gram
• Lamon Juice 2 khaany ke chamach

Is incredible skin brightening aur lightening face mask ko bnany ke leay sab sy pehly aalu ko kaddu kash kr lain aur grated aaluoun ko stainer main daal kar unka juice achy say nikaal lain aur ek saaf bowl main daal lain. 

Usi bowl main aloe vera gel, lemon juice daal ke blend kr lain aur wet face py lga ke gently circular motion main massage kain aur 2 minutes baad face dho lai. Ye face mask ap kisi khaali bottle main daal ke store kar skty hain.

Ye potato face wash na sirf pigmentation kam karta hai balky skin ka natural glow bhi restore krta hai or oil ki production ko kam karny main mdadgar hai. 

Oily Skin Ke Leay Additional Tips

• Refine skin texture aur oily skin ko kam krny ke leay cheap quality skin products ke istimaal sy guraiz krain.
• Medical and cosmetic dermatology ke mutaabiq acne-prone skin pay chemical-free ya home made skin products use krain.
• Oily skin ke leay skin barrier ko strong bnany ke leayy, hyaluronic acid, aur niacinamide ka istimaal krain.
• Harsh gel cleanser, formulated cleansers, ya soap kam sy kam lgayn. 
• Oily skin ke leay photoshoot risky ho skta hai, us ke leay sensitive skin photo techniques yar photoshop ka istimaal krain.
• Hmesha oil-free broad spectrum sunscreen ka istimaal krain, ye skin products harmful UV radiation sy bchati hain.

Conclusion

Oily skin ko tackle krna bohat tricky kam hai. Aisy skin ki kai wajohaat ho skti hain jin ke bary msin jan’na boht zroori hai wrna oily skin mazeed kai problems ki wja banti hai. Is article main different homemade face washes bnany ke treeky aur unka istemal btaya gya hai. Ye sary cleansers natural ingredients sy bnaye gaye hain jin ke skin pr boht achy results hoty hain. Is trah ke mufeed remedies k liye visite kren, www.totkay.com.